14-12-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1041
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူတို့ ဘ၀မှတ်တမ်း
ယိုးဒယားမှာ အရှက်ကွဲခဲ့တဲ့ စာရေးဆရာ

(၁)

ယခုလို အသက်အရွယ်ကလေး ရှစ်ဆယ်မှာ နည်းနည်းကျော်လာချိန်တွင် ငယ်စဉ်တောင်ကျေးကလေးလူငယ်ဘဝက ကြုံတွေ့ခဲ့ရသော ပြုံးပျော်စရာ အဖြစ်အပျက်လေးများကို ပြန်လည်တွေးတောစဉ်းစားကြည့်မိသည်။ ထိုအချိန် ထိုအခါ၌ မိမိကိုယ် မိမိအသက်ပြန်ငယ်သွားဘိသည့် အလား များစွာမှများစွာပင် ပျော်ရွှင် ကြည်နူးမိပေသည်။

 

ယခု စာရှုသူတို့အား ရေးသား တင်ဆက်မည့် အကြောင်းအရာမှာ ဤစာရေးသူ တက္ကသိုလ်စိန်တင်တို့ အသက်အရွယ် ပ်ငယ်ငယ်ဆိုကြပါစို့။ ၂၁ နှစ်ခန့်သာရှိသေးသော အချိန်က ယိုးဒယားနိုင်ငံ(ထိုစဉ်က မြန်မာက ထိုင်းဟု မခေါ်သေး၊ ယိုးဒယားပဲ) ဘန်ကောက်မြို့သို့ရောက်ရှိစဉ် ကြုံတွေ့ခဲ့ရသည့် ဟာသဖြစ်ရပ်ဇာတ် လမ်းတစ်ပုဒ်ပင်ဖြစ်သည်။

 

ထိုစဉ်က ဤစာရေးသူတက္ကသိုလ် စိန်တင်နှင့်အတူ ပါလာသော သူငယ် ချင်း ကျောင်းသားတစ်စုမှာ  ကိုချစ်လွင် (ညီတစ်ဝမ်းကွဲ)၊ ကိုမောင်မောင်နှင့် ကိုမြင့်ဌေးတို့ဖြစ်ကြသည်။ ထိုစဉ်က ကိုချစ်လွင်၊ ကိုစိန်တင်၊ ကိုမြင့်ဌေးတို့က ဥရောပဝတ်စုံ ကုတ်အင်္ကျီနှင့် ဘောင်းဘီဝတ်ကြပြီး ကိုမောင်မောင်က  မြန်မာဝတ်စုံကာ တစ်ပြားသားမှ မလျှော့နိုင်ဆိုပြီး တိုက်ပုံအင်္ကျီနှင့် ပုဆိုးဝတ်လာသည်။ ထိုစဉ် က တက္ကသိုလ်စိန်တင်တို့အတွက် ပေါင်စတာလင် (၅ဝ) လဲလှယ်ယူ သွားခွင့်ရှိ၍ အသွားအပြန် UBA လေယာဉ်ခမှာ မြန်မာကျပ်ငွေ ၃၅ဝ ကျပ်သာဖြစ်သည်။

 

တက္ကသိုလ်စိန်တင်တို့ တည်းခိုသောဟိုတယ်မှာ ဘန်ကောက်မြို့ ဟိုလန်ဖုံး မီးရထားဘူတာရုံကြီးအနီး နမ်းအိယဟိုတယ်ဖြစ်သည်။ ယင်းဟိုတယ်တွင် ဘန်ကောက်မြို့၏ ယဉ်ကျေးမှု ဓလေ့အတိုင်း အပျော်မိန်းမများ အလွန်ပေါများ၏။ သူတို့ ယိုးဒယားမကလေးများတို့မှာ အသက် အရွယ်ခပ်ငယ်ငယ် ဂါဝန်လှလှ၊ သစ် သစ်လွင်လွင်ကလေးများဝတ်၍ အလွန်တပ်မက်စရာကောင်းလှသည်။ သို့သော် ကိုစိန်တင်က အသက် ၂ဝ ကျော်ရုံ ကလေးအရွယ်သည် မိန်းမပျိုပျိုအိုအို နုနုဖပ်ဖပ်ကလေးတွေကိုတပ်မက်လျှင် 'ဟိုရောဂါ' ရမည်ကိုလည်း စိုးရိမ်ထိတ်လန့်၊ သူတို့ အနားကပ်ဖို့ ဝေလာဝေး။

 

(၂)

 

ပြောရဦးမည်။ ယိုးဒယားနိုင်ငံရှိ နာမည်ကျော်၊ မြဘုရားဖူးမြော်ပြီး သည့် နောက်တစ်နေ့တွင် ယိုးဒယားနိုင်ငံ၌ စစ်တပ်ကအာဏာသိမ်းပွဲလုပ်သည်။ ဝန်ကြီးချုပ် ပီဘူလ်ဆုံ ဂရမ် နိုင်ငံခြားသို့ထွက်ပြေးရသည်။ ယိုးဒယားနိုင်ငံ၌ စစ်တပ်က အာဏာ သိမ်းသည်မှာ ယနေ့အထိ မကြာခဏဖြစ်နေဆဲမို့ ထိုစဉ်က စစ်တပ် အာဏာသိမ်းပွဲလုပ်သည်မှာ သူတို့လူမျိုးပြည်သူတွေအဖို့ အဆန်းတ ကြယ်မဟုတ်တော့ဟု ဆိုကြသည်။ ထားပါ။

 

စစ်တပ်က အာဏာသိမ်းပြီး နောက်တစ်နေ့တွင် ကိုစိန်တင်တို့ တည်းခိုနေသော နမ်းအိယဟိုတယ် မန်နေဂျာက မြန်မာလူငယ်များနှင့် သူတို့ယိုးဒယား လူငယ်တို့ တွေ့ဆုံ မိတ်ဆက်ချစ်ကြည်ရေးဧည့်ခံပွဲ ကလေးလုပ်ချင်သည်ဟုလာပြော၍ ကိုစိန်တင်တို့က သဘောတူပြီး ''လုပ် ပါ''ဟု ပြောလိုက်သည်။

 

ယိုးဒယား-မြန်မာလူငယ်ချစ် ကြည်ရေးမိတ်ဆက်ပွဲကို နမ်းအိယဟိုတယ် ခန်းမဆောင်ငယ်တစ်ခု၌ ကျင်းပခဲ့ရာ မြန်မာကျောင်းသားလူငယ်ကိုစိန်တင်တို့ လေးဦးနှင့် ဟို တယ် မန်နေဂျာက ဖိတ်ခေါ်ထား သော ယိုးဒယား လူငယ်ကျောင်းသူ ကျောင်းသား ၂ဝ ခန့် တက်ရောက် ကြ၍ ထိုပွဲ၌ တက္ကသိုလ်စိန်တင်က စင်မြင့်ပေါ်က မြန်မာသီချင်းတစ်ပုဒ် ကို ကျကျနနဆိုပြလေသည်။ ဘာသီချင်းလည်း သိလား။ ထိုခေတ် ထို အခါက ဂီတစာဆို စန္ဒရားအောင်ခင်ရေးသားပြီး အဆိုတော် ကိုညွန့် တင် မြန်မာ့အသံမှ သီဆိုအသံလွှင့် ၍ နာမည်ကြီးနေသော 'မာ' သီချင်း ဖြစ်လေသည်။

 

အသက် ၂ဝ ကျော်ရုံကလေးအရွယ်မနူးမနပ် ကျောင်းသားလူငယ် တက္ကသိုလ်စိန်တင်သည် ဟိုတယ်ဧည့်ခန်းမစင်မြင့်မှနေ၍ 'မာ' သီချင်းကို မိုက်ကရိုဖုန်းမှ အားရပါး ရဟစ်၍ သီဆိုနေသည်မှာ ဤသို့ ''မာ-မာ-မာ နာမည်ကိုသာ ပြောင်း ချင်ပြောင်းလိုက်ပါ။ မိန်းကလေးနဲ့ လိုက်မယ့်နာမည်ဟာ သွဲ့ပျောင်း၊ နွဲ့နောင်း၊ သွဲ့ပျောင်း၊ နွဲ့နှောင်း၊ ကောင်းမယ်ထင်တယ် မာ မာ ဆိုတဲ့ နာမည်ဟောင်းကို ပြောင်းလိုက်စမ်းပါ ပြောင်းဖြစ်အောင်လည်း ပြောင်း လိုက်စမ်းပါ မာ''

 

အတီးမပါ။ အဆိုသက်သက်ဖြင့် စင်မြင့်ထက်က 'မာ' သီချင်းကို သီဆိုနေစဉ် ကိုစိန်တင်က ဧည့်ပရိသတ်ထဲက ရှေ့ဆုံးတွင် နေရာယူ ထားသည့် ယိုးဒယားပျိုဖြူ ချောချော ကလေးများကို လက်ညှိုးတထိုးထိုးနှင့် သရုပ်ဆောင်ပြရင်း သီချင်းကို တစ် ပတ်ကျော့၍ သီဆိုနေပြန်သေးသည်။ ထိုအချိန်တွင် ကိုစိန်တင်က ''မာ မာ မာ'' ဟု သီချင်းကို ထပ်ကျော့သီဆိုရင်းလက်ညှိုးထိုး အညု ခံရသော ယိုးဒယားပျိုဖြူ ခုနစ် ယောက်ခန့်မှာ ကိုစိန်တင်၏ မျက်နှာကို မကျေမနပ်ဖြစ်ပြီး ကျောခိုင်း၍ အခန်းထဲက ထွက်ခွာသွားကြလေ တော့သည်။ အဆိုတော် ကိုစိန် တင်ခမျာ ရုတ်တရက် နားမလည် ဖြစ်ပြီး သီချင်းဆိုရပ်သွားသည်။ ပြီးတော့မှ သီချင်းအချပိုဒ်ကို ကတိုက် ကရိုက်သီဆိုလိုက်ပြီး စင်မြင့်ပေါ်မှ ဆင်းလိုက်သည်။

 

(၃)

 

ထိုနေ့က ယိုးဒယား-မြန်မာ မိတ်ဆက်လူငယ်ပွဲမှာ ထိုမျှနှင့်နိဂုံး ကမ္ပတ်အဆုံးသပ်သွား၏။ ယိုးဒယားကျောင်းသူကလေးများက သူတုိ့ ယိုး ဒယားသီချင်း ပျင်းတွဲတွဲအသံနှင့် တစ်ပုဒ် နှစ်ပုဒ် သီဆိုဖျော်ဖြေကြပြီး ပွဲသိမ်းခဲ့သည်။ ဤတွင် ကျွန်ုပ်တို့၏ အရေးပေါ်အဆိုတော် 'မာ' သီချင်း ဖြင့် သီဆိုဖျော်ဖြေသူ ကိုစိန်တင်က နမ်းအိယဟိုတယ်မန်နေဂျာအား မေး မြန်းကြည့်၏။

 

''မစ္စတာချွမ်း၊ ကျွန်တော် မြန်မာသီချင်းဆိုနေတုန်း ခင်ဗျားတို့ ကျောင်းသူကလေးတွေ ဘာကြောင့် နေရာကထထွက်သွားကြတာလဲဗျ''

 

ယိုးဒယားဟိုတယ် မန်နေဂျာမစ္စတာချွမ်းပြန်ပြောသော စကားကို ကြားလိုက်ရသော ကိုစိန်တင် ထိတ် လန့်ပြီး မြန်မာနိုင်ငံသို့ အမြန်ပြန် ပြေးချင်တော့၏။ ဟိုတယ်မန်နေဂျာ ပြောသည်မှာ ---

 

''မိတ်ဆွေနှုတ်က ထွက်လာတဲ့'မာ'ဆိုတာ ကျွန်တော်တို့ဘာသာနဲ့ ခွေးကိုခေါ်တာဗျ''တဲ့။ မှတ်မှတ်ရရကွဲ ခဲ့ပါသည် ခင်ဗျား။

 

တက္ကသိုလ်စိန်တင်

တက္ကသိုလ်စိန်တင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.