ဇူလိုင်လ ၂၂ ရက်နေ့မှစ၍ ဆီးရီးယားပြည်သူများ၏ မြင်ကွင်းမှ ပျောက်ကွယ်နေသော သမ္မတအာဆတ်ကို သြဂုတ်လ ၇ ရက်နေ့ တွင် အီရန်နိုင်ငံမှ အရေးပေါ်ရောက်ရှိလာသော လုံခြုံရေးအကြီးအကဲအား လက်ခံတွေ့ဆုံသည့်သတင်းနှင့်အတူ သမ္မတအာဆက် ၏ဓာတ်ပုံကိုထုတ်ပြန်ပေးခဲ့သည်။
    ယင်းသတင်းထုတ်ပြန်ချက်သည် ဆီးရီးယားနိုင်ငံဝန်ကြီးချုပ် ရီးယတ် ဟာဂျပ် Riad Hijab က ဆန့်ကျင်ဘက် အင်အားစုများ ဘက် ကူးပြောင်းသွား ပြီးနောက် ထွက်ပေါ်လာသည့်သတင်းဖြစ်သည်။
    အီရန်လုံခြုံရေးအကြီးအကဲ ဆာဟိဂျလီလီ Saeed Jalili  က ဆီးရီးယား နိုင်ငံသည် ရန်သူများကို ခုခံကာကွယ်ပေးနိုင်သည့် အဓိက ဝန်ရိုးကိုပိုင်ဆိုင်ထား သည့်အခြေအနေ၌ရှိဟု အားပေးစကားပြောခဲ့သည်။
    ဇူလိုင်လ ၂၂ ရက်က ဒါမတ်ကတ်မြို့၌ ဗုံးခွဲမှု၌ ဆီးရီးယားအစိုးရ ကာကွယ်ရေးဝန်ကြီးအပါအဝင် တာဝန်ရှိသူလေးဦး သေဆုံး သွားခဲ့ပြီး ဟာဆတ်သည် သတင်းမြင်ကွင်းမှ ပျောက်ကွယ်သွားခဲ့ခြင်းဖြစ်၏။
    ဆီးရီးယားနိုင်ငံသည် အီရန်နိုင်ငံနှင့် အာရပ်အရှေ့အလယ်ပိုင်း ဆက်သွယ်မှု၌ အဓိကဆုံမှတ်တစ်ခုဖြစ်သည်။ ပမာအားဖြင့် အီရန်နှင့် လက်ဘ နွန်ရှိ ဟစ်ဘိုလာ၊ ဂါဇာကမ်းမြောင်ရှိ ဟားမားစ်အဖွဲ့များနှင့် ဆက်သွယ်ရန်ဖြစ် သည်ဟု ဘီဘီစီသံတမန် သတင်းထောက် ဂျန်နသန်မားကပ်ကပြောခဲ့သည်။