24-8-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
၂ဝ၁၇ ခုနှစ် ဧပြီလ ၁ ရက်နေ့မှ သြဂုတ်လ ၃ ရက်နေ့အထိ လေးလတာကာလအတွင်း တာချီလိတ်နယ်စပ်ဝင်ပေါက်မှ နိုင်ငံတကာ ခရီးသွားဧည့်သည်ရှစ်ထောင့်ငါးရာကျော်ဝင်ရောက်လည်ပတ်ခဲ့
This Week’s COVER
ဂျာနယ် အမှတ်စဉ် .... 1025
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
နိုင်ငံတကာ အရေး
လျှပ်စစ်ကားမော်ဒယ်သစ်များ ထုတ်လုပ်ရန် ကြိုးပမ်းနေသည့် တရုတ်နိုင်ငံ

တရုတ်နိုင်ငံမှ မော်တော်ကား ထုတ်လုပ်သူများသည် လက်ရှိလျှပ်စစ်ကားမော်ဒယ်သစ် ၁ဝ၃ မျိုးရှိသည့် အနက် ၄၉ မျိုးကို ၂ဝ၂ဝ ပြည့်နှစ်မတိုင်မီ ထုတ်လုပ်သွားမည်ဟု သိရသည်။ တရုတ်အစိုးရအနေဖြင့် လောင်စာဆီ အစားထိုးသည့် အခြေအနေအစိတ်အပိုင်း တစ်ခုအဖြစ် တစ်ကမ္ဘာလုံးအတိုင်းအတာအရ ယင်းကဲ့သို့ ထုတ်လုပ်သွားခြင်းဖြစ်သည်ဟုဆိုသည်။

၂ဝ၁၂ ခန့်က တရုတ်နိုင်ငံ၏ ကားလမ်းမများပေါ်တွင် အီးဗွီခေါ် လျှပ်စစ်ကား (Electric Vehie-EV) စုစုပေါင်း တစ်သောင်းခန့်သာရှိခဲ့ပါသည်။ ထိုစဉ်ကတည်းက တရုတ်အစိုးရသည် ၂ဝ၁၅ ခုနှစ်ရောက်လျှင် ပြေးလမ်းများပေါ်တွင် လျှပ်စစ်ကား ငါးသိန်း၊ ၂ဝ၂ဝ ပြည့်နှစ်ရောက်လျှင် ငါးသန်း ရောက်ရှိရန် ဆောင်ရွက်သွားမည်ဟု ရည်မှန်းခဲ့ပါသည်။ ထို့ကြောင့် ဗဟိုအစိုးရနှင့် ပြည်နယ် အစိုးရအဆင့်ဆင့်သည် လျှပ်စစ်ကားထုတ်လုပ်သည့် စက်မှုလုပ်ငန်းများ ဖွံ့ဖြိုးတိုးတက်လာစေရန် ပံ့ပိုးမှုအမျိုးမျိုးပေးခဲ့ကြသည်ဟု သိရသည်။

၂ဝ၂၅ ခုနှစ်ရောက်လျှင် လျှပ်စစ်ဘက်ထရီသုံးကားများ၏ ထုတ်လုပ်မှု ကုန်ကျစရိတ်သည် လောင်စာဆီသုံးကားများ၏ထုတ်လုပ်မှု ကုန်ကျစရိတ်နီးပါးရှိလာနိုင်သည်ဟု အဲလစ်ပါတနာစ် အကြံပေးကုမ္ပဏီက ခန့်မှန်းထားပါသည်။ ထိုသို့ လျှပ်စစ်ဘက်ထရီများ၏ ထုတ်လုပ်မှုစရိတ် လျှော့ချလာနိုင်လျှင် ဝယ်ယူစီးနင်းသူများကို လက်ခံလာရန် ဆွဲဆောင်လာနိုင်သည်ဟု ထောက်ပြထားပါသည်။

ဒက်လွိုက်တွင်ရှိသော မော်တော်ယာဉ်စာနယ်ဇင်းအဖွဲ့အစည်းမှာ ကျင်းပသည့် သတင်းစာ ရှင်းလင်းပွဲ၌ သတင်းထောက်များကို ထိုအကြံပေးကုမ္ပဏီ၏ ဒု-ဥက္ကဋ္ဌဖြစ်သူ ဂျွန်ယော့ဖ်ဖီးကားက ''တခြား စိန်ခေါ်မှုတွေထဲမှာ တစ်ခုကတော့ အဲဒီမော်တော်ကား ဘက်ထရီတွေကို အားသွင်းဖို့ ဘယ်လောက်အချိန် လျော့နည်းအောင် လုပ်နိုင်သလဲဆိုတာပဲဖြစ်ပါတယ်။ အဲဒီပြဿနာကို ဖြေရှင်း နိုင်ရင် လျှပ်စစ်ကားဝယ်ယူသူတွေကို ကျေနပ်နိုင်ပါတယ်''ဟု ထည့်သွင်း ပြောကြားသွားခဲ့သည်။

တရုတ်နိုင်ငံတွင် အချို့လျှပ်စစ်ကား ထုတ်လုပ်သည့် စက်မှုလုပ်ငန်းများသည် အတော်ပင် ဖွံ့ဖြိုးတိုးတက်နေသည်ကို တွေ့ရသည်။ ဥပမာ ဘက်ထရီနှင့် မော်တော်ကားထုတ်လုပ်သည့် BYD ကုမ္ပဏီကြီးသည် လျှပ်စစ်ကားနှင့် သက်ဆိုင်သော သုတေသနလုပ်ငန်းများမှသည် ကား အစိတ်အပိုင်းများ ထုတ်လုပ်သည့် လုပ်ငန်းများအထိ လုပ်ငန်းတွဲအပြည့်အစုံရှိပါသည်။ BYD သည် ၄င်းကုမ္ပဏီ၏ စံပြလျှပ်စစ်ကား နဘကို ၂ဝ၁၃ ခုနှစ်ကတည်းက စတင်ရောင်းချခဲ့ပါသည်။ လျှပ်စစ်ဓာတ် အားတစ်ခါသွင်းထားလျှင် ကီလိုမီ တာ ၃ဝဝ အထိ မောင်းနှင်နိုင်သဖြင့် တရုတ်နိုင်ငံ လုပ်လျှပ်စစ်ကားများထဲတွင် အဝေးဆုံး မောင်းနှင်နိုင်သောကားဖြစ်ပါသည်။

BYD အပြင် တရုတ်နိုင်ငံတွင် လျှပ်စစ်ကားထုတ်လုပ်နေသော ကုမ္ပဏီပေါင်း ၃ဝ ကျော်ခန့်ရှိသည်ဟု သိရသည်။ ယင်းကုမ္ပဏီများထဲတွင် ခရီးသည်တင်ဘတ်စ်ကားကြီးများ ထုတ်လုပ်သည့် ကုမ္ပဏီများလည်း ပါဝင်နေပါသည်။ လျှပ်စစ် ကားများ၏ အဓိက အစိတ်အပိုင်း တစ်ခုဖြစ်သော ဘက်ထရီ ထုတ်လုပ်သည့် ကုမ္ပဏီများကလည်း အရင်းအနှီးမြောက်မြားစွာ အသုံးပြု၍ လျှပ်စစ်ကား ဘက်ထရီများကို အလုံးအရင်းနှင့် ထုတ်လုပ်နေကြပါသည်။

တရုတ်လျှပ်စစ်ကား စက်မှုလုပ်ငန်းများ ရင်ဆိုင်နေရသော ဒုတိယစိန်ခေါ်မှုကြီးမှာ လျှပ်စစ်ကားများ၏ ရောင်းဈေးနှုန်းမြင့်မားနေသေးသဖြင့် သာမန်ကားဝယ်ယူသူများ လက်လှမ်း မမီသေးခြင်းပဲဖြစ်ပါသည်။ ကီလိုမီတာ ၂ဝ ခန့်ဝေးသောအရပ်က ပေကျင်းမြို့ထဲသို့ ကားဖြင့်သွားပြီး အလုပ်လုပ်ရသည့် ဝန်ထမ်းတစ်ဦးသည် ဓာတ်ဆီနှင့် မောင်းသည့် ကားတစ်စီးအတွက် တစ်လလျှင် ဓာတ်ဆီဖိုးယွမ် ၃ဝဝ အထိ ကုန်ကျသော်လည်း လျှပ်စစ်ကားနှင့်ဆိုလျှင် လျှပ်စစ်ဓာတ်အား သွင်းခ ယွမ် ၁ဝဝ ခန့်သာ ကုန်ကျနိုင်သည်ဟု သိရသည်။ သို့သော် လျှပ်စစ်ကားတစ်စီး ၏လောလောဆယ် ဈေးနှုန်းမှာ အလွန်မြင့်မားနေသဖြင့် အစိုးရ၏ထောက်ပံ့မှုဖြင့်ပင် သာမန်ဝန်ထမ်းများ ဝယ်ယူနိုင်သည့် အခြေအနေ မရှိသေးဟုဆိုပါသည်။ Cherry ကုမ္ပဏီက ထုတ်လုပ်သည့် Mi ဓာတ် ဆီကားတစ်စီးသည် ယွမ် ၅ဝဝဝဝ သာ ကျသော်လည်း Cherry ကုမ္ပဏီကပဲ ထုတ်လုပ်သော Mi EV တစ်စီး၏ ဈေးနှုန်းသည် ယွမ်ငွေ  ၁၄ဝဝဝဝ မှ ၂၃ဝဝဝဝ အထိ ရှိသည်။

တရုတ်လျှပ်စစ်ကားလုပ်ငန်းတွင် တတိယ စိန်ခေါ်မှုကြီးမှာ လျှပ်စစ်ကားများအတွက် လျှပ်စစ်ဓာတ်အားသွင်းရန် ဆိုင်နေရာနှင့် ဆိုင်များ ဖွင့်လှစ်ပေးရန်လိုနေသေးခြင်းဖြစ်သည်။ ဘက်ထရီဖြင့်မောင်းသော လျှပ်စစ်ကားသည် ကီလိုမီတာ ၁၅ဝ  ခန့်သွားပြီး လျှပ်စစ်ကားအား ထပ် သွင်းရန် လိုအပ်၍ဖြစ်သည်။ အဝေးပြေးလမ်းမကြီးများတွင်ဆိုလျှင် လျှပ်စစ်ကားများအတွက် လျှပ်စစ်ဓာတ် အားသွင်းသည့်နေရာများ အများအပြား လိုအပ်ပေသည်။

 

 မောင်ပုဆိုးကြမ်း

 Ref: “China to Build Nearly Half of New Electric Car Models by 2020” By Joseph White (Reuters).

မောင်ပုဆိုးကြမ်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.