19-10-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
စက်တင်ဘာလမှ ဒီဇင်ဘာလအထိ ၄ လတာ ကာလအတွင်း နိုင်ငံတကာ ခရီးသွားဧည့်သည် တစ်သန်းကျော် လာရောက်လည်ပတ်ရန် ခန့်မှန်းထား
This Week’s COVER
ဂျာနယ် အမှတ်စဉ် .... 1033
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
နိုင်ငံတကာ အရေး
အများပြည်သူကြား ဆေးလိပ်သောက်ခြင်းအား တားမြစ်လိုက်သည့် ဒူတာတေး

ဖိလစ်ပိုင်သမ္မတ ရိုဒရီဂိုဒူတာတေးသည် ၄င်းတက်လာပြီးနောက် တစ်နှစ်အတောအတွင်း မူးယစ်ဆေး ဝါးသုံးစွဲမှု၊ အကျင့်ပျက်လာဘ်စားမှု၊ လောင်းကစားမှုတို့ကို ဖြိုခွင်းခဲ့ပြီးနောက် ယခုအခါ အများပိုင်နေရာများတွင် ဆေးလိပ်သောက်ခြင်းအား တားမြစ်သည့်အမိန့်ကို ထုတ်ပြန်ခဲ့သည်။

ယင်းအမိန့်သည် ဒေသတွင်းရှိနိုင်ငံများကြား၌ ဆေးရွက်ကြီးနှင့် ဆေးလိပ်သောက်သုံးမှု ဆန့်ကျင်ရေးတွင် အပြင်းထန်ဆုံး ဥပဒေတစ်ခုဖြစ်လာသည်ဟု သိရသည်။

သမ္မတဒူတာတေး၏ ပြောရေးဆိုခွင့်ရှိသူ အာနက်စတိုအေဘဲလ်လားက ''ဒီတားမြစ်တဲ့ အမိန့်အရ အများပိုင်အဆောက်အအုံရဲ့ အတွင်းနဲ့အပြင်ဘက်တွေမှာ ဆေးလိပ်သောက်ခဲ့ရင် အမြင့်ဆုံးပြစ်ဒဏ်အဖြစ် ထောင်ဒဏ်လေးနှစ်နှင့် ဒဏ်ငွေဖိလစ်ပိုင်ငွေ ပီဆို ၅ဝဝဝ (အမေရိကန် ဒေါ်လာ ၁ဝဝ) အထိ အပြစ် ပေးနိုင်ပါတယ်''ဟု ပြောပါသည်။ ထိုဥပဒေတွင် ဆေးလိပ်ကြော်ငြာများ၊ အရောင်းမြှင့်တင်မှုများ သို့မဟုတ် ကိုယ်စားလှယ်လုပ်ငန်းပေးခြင်းများကိုလည်း ဒဏ်ငွေအမြင့်ဆုံး ပီဆိုငွေလေးသိန်းနှင့် အမြင့်ဆုံး ထောင်ဒဏ်သုံးနှစ်ကျခံစေရန်နှင့် လုပ်ငန်းလုပ်ကိုင်ခွင့်ကို ရုပ်သိမ်းရန်တို့ ပါဝင်ရေး ဆွဲထားပါသည်။

သမ္မတဒူတာတေးကိုယ်တိုင် တစ်ချိန်က စီးကရက်အလွန်သောက်ခဲ့သဖြင့် သွေးကြောပိတ်သည့် ရောဂါခံစားရပြီးနောက် ဆေးလိပ်သောက်ခြင်းကို ဖြတ်ပစ်ခဲ့သည်ဟု သိရ သည်။ သူ၏ပြောရေးဆိုခွင့်ရှိသူက ''ဒီဥပဒေဟာ လွန်ခဲ့တဲ့ ၂ဝ၁၂ ခုနှစ်က ဒူတာတေးသူ့ရဲ့ ဇာတိမြို့ဖြစ်တဲ့  ဒါဝိုမှာ သူမြို့တော်ဝန်အဖြစ် တာဝန်ထမ်းဆောင်စဉ်က ပြဋ္ဌာန်းခဲ့တဲ့ဥပဒေအတိုင်း ပြဋ္ဌာန်းခဲ့တာပါ''ဟု ပြောပါသည်။

သမ္မတလောင်းအဖြစ် ယှဉ်ပြိုင်ရာတွင် ပြည်သူလူထုကို မဲဆွယ်ရာ၌ ရာဇဝတ်မှု ကျူးလွန်သူများ၊ အကျင့်ပျက်ခြစားသူများ၊ မူးယစ်ဆေး ဝါးရောင်းဝယ်သူနှင့် သုံးစွဲသူများအ ပေါ် ပြင်းပြင်းထန်ထန် အရေးယူ သွားမည်ဖြစ်ကြောင်းနှင့် မကောင်းမှု လုပ်ငန်းများဖြစ်သည့် ဆေးလိပ် သောက်ခြင်းနှင့် တရားမဝင်လောင်း ကစားခြင်းတို့ကို တစ်ခုပြီးတစ်ခု အမြစ်ပါမကျန် ချေမှုန်းသွားမည်ဟု ကတိပေးခဲ့သည်။

ဖိလစ်ပိုင်နိုင်ငံတွင် စီးကရက် ထုတ်လုပ်ရောင်းချသည့် လုပ်ငန်းကြီး ရှစ်ခုရှိသည်ဟုသိရသည်။ Phillip Morris နိုင်ငံတကာကုမ္ပဏီက ပိုင်ဆိုင်သော Marlbolo စီးကရက်လုပ်ငန်းသည် ဖိလစ်ပိုင်မှ Fortune စီးကရက်ကုမ္ပဏီနှင့် ဖက်စပ်၍လုပ်ကိုင်ခဲ့ရာ ဖိလစ်ပိုင် စီးကရက်ဈေးကွက်၏ ဆယ်ပုံခုနစ်ပုံကျော်ကို ရရှိထားပါသည်။ ၂ဝ၁၅ ခုနှစ်တုန်းက တစ်ကမ္ဘာလုံးတွင် Philip Mirris ကုမ္ပဏီကရောင်းချသော စီးကရက် ၁၃ လိပ်တွင် ဖိလစ်ပိုင်မှ ထုတ်လုပ်သည့် စီးကရက်က တစ်လိပ်ပါဝင် သည်ဟု သိရသည်။

အရွယ်ရောက်ပြီး ဆေးလိပ်မဖြတ်နိုင်သူများအတွက် ဆေးလိပ်သောက်ရန် ကန့်သတ်ထားသော နေရာများကို သတ်မှတ်ပေးထားသည်ဟုဆိုသည်။ ၄င်းနေရာသည် အဆောက်အအုံတစ်ခု၏ ဝင်ပေါက်နှင့် ဆယ်မီတာ (၁၁ ကိုက်) ဝေးကွာသောနေရာတွင် ၁ဝ စတုရန်းမီတာ (၁၂ စတုရန်းကိုက်) အကျယ်ရှိသည့် နေရာများ၌ သတ်မှတ်ပေးထားရမည်ဟု ထိုဥပဒေတွင်ပါရှိသည်။ ရဲအရာရှိများ ဦးဆောင်သော ဆေးလိပ်ဆန့်ကျင်ရေးလုပ်ငန်းအဖွဲ့က ထိုနေရာများကို မြို့များ၊ မြို့တော်များတွင် သတ်မှတ်ပေးရမည်ဟု ဆိုထားသည်။

 ဆေးလိပ်သောက်သုံးမှု တားမြစ်ရာတွင် အီလက်ထရောနစ် စီးကရက်သောက်သုံးမှုလည်း အကျုံးဝင်သည်ဟု သိရသည်။ ထိုဥပဒေသည် တရားဝင်ဖွင့်လှစ်ထားသော ကာစီနိုကစား ဝိုင်းနေရာများ၊ ရုပ်ရှင်ရုံများ၊ လေဆိပ် အဆောက်အအုံများလည်း ပါဝင်သည်ဟုသိရသည်။

ဖိလစ်ပိုင်ပြည်သူ့ ကျန်းမာရေးစောင့်ရှောက်သည့် အဖွဲ့အစည်းများက စီးကရက်သောက်သုံးမှုနှင့် ထုတ်လုပ်မှုများကို ကာလကြာရှည်စွာကပင် ကန့်ကွက်ခဲ့ရာ ယခုချိန်တွင် ပြည်သူများအကြား ဆေးလိပ်သောက်ခြင်းအား သမ္မတဒူတာတေးက တားမြစ်ခဲ့ခြင်းကို ကြိုဆိုကြပါသည်။ ဖိလစ်ပိုင်နိုင်ငံတွင် ဆေးလိပ်သောက်သူ ဦးရေ ၁၇ သန်းရှိရာတွင် အရွယ် ရောက်ပြီးသူ သုံးပုံနှစ်ပုံနီးပါး ပါဝင်နေသည်ဟု ၂ဝ၁၄ ခုနှစ်တွင် ထုတ်ပြန်ခဲ့သော အရှေ့တောင်အာရှ ဆေး လိပ်သောက်သုံးမှု ထိန်းချုပ်ရေး ပူးပေါင်းအဖွဲ့၏ အစီရင်ခံစာအရ သိရှိရပါသည်။

ဖိလစ်ပိုင်လူမျိုး အမျိုးသား ထက်ဝက်နီးပါးနှင့် အမျိုးသမီး ကိုးရာခိုင်နှုန်းခန့်သည် ဆေးလိပ် သောက်သုံးကြသဖြင့် ထိုအမူအကျင့်များကြောင့် နှစ်စဉ် ၄င်းတို့၏ ကျန်းမာရေးစောင့်ရှောက်မှု လုပ်ငန်းများနှင့် ထုတ်လုပ်မှုကျဆင်းမှုတို့အတွက် ကုန်ကျစရိတ်သည် အမေရိကန်ဒေါ်လာ လေးဘီလီယံနီးပါးရှိသည်ဟု ကျွမ်းကျင်သူများက ထောက်ပြထားပါသည်။

 

 မောင်ပုဆိုးကြမ်း

 

Ref: “Philippines’ Duterte Gets Tough on Tabacco With Ban on Smoking in Public” (Reuters).

မောင်ပုဆိုးကြမ်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.