18-1-2018
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
အကြမ်းဖက်မှုနောက်ပိုင်း မောင်တောနယ်စပ်မှ ကုန်သွယ်မှု ဆောင်ရွက်နေသည့် ကုမ္ပဏီ ဆယ်ခုလျော့ကျသွား
This Week’s COVER
ဂျာနယ် အမှတ်စဉ် .... 1046
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
နိုင်ငံတကာ အရေး
ခေါင်းတလားတွေ ချိတ်ဆွဲထားခဲ့တဲ့ တောင်ကြား

လူတစ်ယောက် သေဆုံးရင် တချို့က မီးသင်္ဂြုဟ်လိုက်မယ်။ တချို့ဘာသာတွေကျတော့ ဂူသွင်းမှဖြစ်မယ်လို့ဆိုချင်လည်း ဆိုမယ်။ ဘယ်လိုပဲဖြစ်ဖြစ် လူသေအလောင်းကို အခေါင်းထဲထည့်ပြီး မြှုပ်နှံပြီဆိုရင် တော့ အများစုက မြေကြီးထဲမြှုပ် ကြမှာ သေချာပါတယ်။ တစ်ခါတစ်ရံ ရေနဲ့ကျင်လည်ကျက်စားတဲ့ဒေသ အချို့မှာ အခေါင်းကို မြစ်ထဲ၊ အင်းထဲ ထည့်မြှုပ်လိုက်တယ်ဆိုတာလည်း ရှိတယ်မဟုတ်လား။

ဒါပေမယ့် မီးလည်းမရှို့၊ ရေထဲ လည်းမမြှုပ်၊ မြေကြီးထဲလည်း မထည့်ပဲ တောင်နံရံတွေမှာ ချိတ်ထားတဲ့ဓလေ့ရှိတဲ့ အရပ်ကို မြင်ချင်ပါတယ် ဆိုရင်တော့ ဖိလစ်ပိုင်က ဆာဂါဒါတောင်ကြားကိုသွားကြည့်မှ ကိုယ်တိုင်တွေ့ရပါလိမ့်မယ်။

ဆာဂါဒါဆိုတာ ဖိလစ်ပိုင်နိုင်ငံက ဗဟိုကော်ဒီလာရာတောင်တန်း ဒေသမှာရှိတဲ့တောင်ကြားတစ်ခုပေါ့။ အဲဒီအရပ်က မာလီတက်ပ်မြစ် လက်တက် စတင်မြစ်ဖျားခံရာ အရပ်ဖြစ် သလို ပင်လယ်ရေမျက်နှာပြင်အထက် ကီလိုမီတာတစ်ဝက်မှာ ရှိနေ ပါတယ်။ ဆိုဂါဒါတောင်ကြားကို တော့ ဒါတာတောင်တန်း၊ ကလာဝီ တန်တောင်တန်း၊ ပိုလစ်တောင်တန်း၊ တီရက်စ်တောင်တန်းနဲ့ စီစီပိတန် တောင်တန်းတွေက အရှေ့ဘက်၊ မြောက်ဘက်နဲ့ တောင်ဘက်တွေမှာ ပတ်လည်ဝိုင်းပြီး ကာရံထားပါတယ်။

ဆာဂါဒါက ကိုယ်ပိုင်အုပ်ချုပ် ခွင့်ရဒေသလည်းဖြစ်တယ်။ တောင်တန်းပြည်နယ်ရဲ့ မြို့တော်ဖြစ်တဲ့ ဘွန်တောက်မြို့အနားမှာရှိပြီး  ၂ဝ၁၅ ခုနှစ် သန်းခေါင်စာရင်းအရဆိုရင် လူဦးရေတစ်သောင်းနှစ် ထောင်လောက်သာ ရှိပါတယ်။ စောစောက ပြောခဲ့သလိုပါပဲ။ လူနေအိမ်ခြေနည်းပေမယ့် ခေါင်းတလားတွေ တောင်နံရံမှာ ချိတ်ဆွဲထားတဲ့အတွက် ကမ္ဘာက စိတ်ဝင်စားခြင်းခံရတော့တာပါပဲ။

ဒီလိုအခေါင်းတွေ ချိတ်ဆွဲထားတဲ့ နေရာကတော့ ပဲ့တင်သံ တောင်ကြားလို့ဆိုတဲ့ Echo Valley မှာပါ။ ထူးခြားချက်အနေနဲ့ ချိတ်ဆွဲထားတဲ့ အခေါင်းတွေထဲမှာ အချို့ဟာ ရာစုနှစ်တွေနဲ့ချီပြီး သက်တမ်းကြာပြီဆိုတာကတော့ အံ့စရာပါပဲ။  သက် တမ်းအကြာဆုံးအခေါင်းက နှစ် ၅ဝဝတဲ့။ အာရှကထူးဆန်းတဲ့ ရှေးဟောင်းအမူအကျင့်ထဲက လေ့လာဖို့ကောင်းတဲ့ ဓလေ့စရိုက်တစ်ခုပေါ့လေ။ 

ဒီလို နည်းကိုသုံးတာက ကိုယ့်ဆွေမျိုးသားချင်းရဲ့အုတ်ဂူကို လောဘသမားတွေ လာဖောက်မယ့်ရန်နဲ့ တိရစ္ဆာန်တွေ လာတူးဆွမယ့် ဒဏ်ကကာကွယ်ပြီးသားဖြစ်တယ်လို့လည်း ဆိုကြသေးတယ်။ အချို့အခေါင်းတွေကတော့ နှစ်အနည်းငယ်ပဲ ရှိပါသေးတယ်။ လက်ဝါးကပ်တိုင် အမှတ်အသားနဲ့ အခေါင်းအသစ်တွေကတော့ မျက်မှောက်ခေတ် ခရစ်ယာန် အသိုက်အဝန်းကပါပဲ။ 

အခေါင်းတွေထဲက အချို့ဟာခပ်ရှည်ရှည်မဟုတ်ဘဲ လေးထောင့်ဆန်ဆန်တွေ့ရပါမယ်။  ဒါကတော့ ရိုးရာဟန်မပျက် ဈာပန အစဉ်အလာအရ သေသူကို ထိုင်ရက်ပုံစံနဲ့ ထည့်သွင်းကြလို့ပါပဲ။ ထိုင်ရက်ပုံစံဆိုတဲ့ နေရာမှာလည်း ကိုယ်ဝန်သည် ဗိုက်ထဲက သန္ဓေသားရဲ့ ခပ်ကွေးကွေးနေရတဲ့ ပုံစံဆိုရင် ပိုမှန်ပါမယ်။

လူတစ်ဦး သေဆုံးလေတိုင်း တောင်နံရံမှာလာလာပြီး ချိတ်ကြတာချည်းပဲလို့တော့ မဆိုနိုင်ဘူးပေါ့။ ဒါပေမယ့် အချို့ဒေသခံတွေက ဒီနည်းနဲ့သင်္ဂြိုဟ်တာကို ပိုကြိုက်ကြတယ်တဲ့လေ။ ဧည့်သည်တွေ လာရောက်တည်းခိုလေ့ရှိတဲ့ အဓိကရွာ ကြီးနဲ့ဆိုရင် ၁၅ မိနစ်၊ နာရီဝက်လောက် လမ်းလျှောက်ရင် ပဲ့တင်သံတောင်ကြားကို ရောက်တယ်ဆိုပေမယ့် လမ်းပြမပါဘဲ သွားရင်တော့ မျက်စိလည်နေမှာ သေချာသလောက်ပါပဲ။

ဆာဂါဒါတောင်ကြားဟာ ဒီလိုသဂြိုဟ်ပုံမျိုးနဲ့ ကမ္ဘာမှာထင်ပေါ်လာ တယ်ဆိုပေမယ့် သူ့မှာလည်စရာပတ်စရာ ရေတံခွန်လှလှတွေ၊ လိုဏ်ဂူတွေ၊ အပန်းဖြေနားနေချင်စရာနေရာတွေ အပြည့်ရှိပါတယ်။ အဲဒီကိုရောက်ခဲ့လို့ အစ်ဂိုရော့စ်လို့ခေါ်တဲ့ ဒေသခံဧည့်လမ်းညွှန်တွေ သုံးရင် လည်း အဖိုးအခ နည်းနည်းနဲ့ နေရာအနှံ့ လိုက်ပြပါလိမ့်မယ်။

ဟိုးခေတ်က ချောင်ကျတဲ့ နေရာလေးလို့ပြောရင်ရနိုင်ပေမယ့် သမိုင်းကြောင်းတစ်လျှောက်လုံးမှာ နိုင်ငံတကာက သာသနာပြုသူတွေ အရောက်များခဲ့တာကြောင့် တောင်ကြားတစ်ခွင်မှာ စိုက်ပျိုးဖြစ်ထွန်းနေတဲ့ သီးနှံတွေ၊ သစ်ပင်တွေဟာ လည်း နိုင်ငံအစုံက ဗီဇမျိုးစေ့ကိုရခဲ့တယ်လို့ ဆိုနိုင်ပါတယ်။

၁၈၈၂ ခုနှစ်နဲ့ ၁၈၉၆ ခုနှစ်ကြားမှာ စပိန်တွေက ကိုလိုနီအဖြစ်လာပြီးနယ်ချဲ့ခဲ့လို့ စပိန်မျိုးဖြစ်တဲ့ အာရေးဗီးယားကော်ဖီခင်းရှိသလို အမေရိကန်လက်အောက် ခဏတာကျရောက်ချိန်မှာလည်း အအေးပိုင်းဒေသ ဖြစ်တဲ့အလျောက် စတော်ဘယ်ရီခင်းနဲ့ မက်မွန်ပင်တွေကလည်း ဆာဂါဒါ တောင်ကြားရဲ့ ရာသီဥတုနဲ့ ကိုက်ညီနေပြန်တယ်။ ဂေါ်ဖီ၊ ခရမ်းချဉ်သီး၊ ပဲ၊ မုန်လာဥနီလည်း စိုက်လို့ရတာပဲ။ ဗယ်လန်စီယာ လိမ္မော်သီးဆိုရင်လည်း စားမကုန်လောက်အောင် ဖြစ်ထွန်းတာပါပဲ။

လူမျိုးအနေနဲ့ကတော့ တရုတ်-ဖိလစ်ပိုင် ကပြားတွေများပါတယ်။ နေ့ရောညပါ အေးချမ်းတိတ်ဆိတ်တဲ့ အရပ်ဖြစ်ပြီး ဆာဂါဒါသားတွေကိုတော့ 'ကန်ကန်နေ' စကားပြောတဲ့ သူတွေအဖြစ်တွေ့ရပါမယ်။

တောင်တန်းတွေက တစ်ဝက်တစ်ပိုင်း ကွယ်ဝှက်ပေးထားသလိုဖြစ်နေတဲ့ ဆာဂါဒါဟာ အရှေ့တောင်အာရှတစ်ခွင်မှာ ကျောပိုးအိတ်တစ်လုံးနဲ့ အေးငြိမ်းရာ အရပ်တွေဆီ လှည့်လည်သွားလာ တတ်သူတွေ အကြိုက်တွေ့တဲ့ နေရာဆိုရင်လည်း မမှားနိုင်ပါဘူး။ တစ်ချိန်က အာဏာရှင်စနစ်လွှမ်းမိုးတဲ့ အချိန်တုန်းကဆိုရင် ပညာတတ်လူတန်းစားတွေက နိုင်ငံရေးဒုက္ခသည်အဖြစ် လာရောက် ပုန်းခိုတဲ့ ဆာဒါဂါတောင်ကြားလည်း ဖြစ်ပြန်ပါတယ်။

ဆာဂါဒါက ထင်ရှားတဲ့ဂူကြီးနှစ်ဂူစလုံးဟာ ခေါင်းတလား ချိတ်ဆွဲရာနေရာတွေဖြစ်သလို တစ်ခါတရံ လိုဏ်ခေါင်းပေါက်ထဲမှာ အရိုးခေါင်းတွေချည်း ထည့်ထားတာမျိုးလည်း တွေ့ရတတ်ပါတယ်။

ဂူတွေထဲက ဖွတ်သဏ္ဌာန်ပုံတွေကတော့ ဘဝမှာအသက်ရှည်ရှည်နေနိုင်ဖို့နဲ့ ဘဝကူးကောင်းဖို့အတွက် သင်္ကေတလို့ ဆိုကြတယ်။ Sumaguing လိုဏ်ဂူကိုတော့ ဆာဂါဒါတစ်ခွင် အမှာ အကြီးဆုံး လိုဏ်ဂူကြီးလို့လည်း လူသိများကြသေးတယ်။ ဂူကြီးထဲက အခန်းကြီးငယ် အသွယ်သွယ်က လည်း စိတ်ကူးယဉ်ဆန်ဆန် အမည် လှလှလေးတွေ ပေးထားတတ်ပါသေးတယ်။ ဥပမာ ဘုရင့်ခန်းဆီးလွှာ၊ ပန်း ဂေါ်ဖီ စတဲ့ အမည်ဆန်းတွေလည်း ရှိပါသေးတယ်။

ဂူက ကြီးပြီးမှောင်နေတာကြောင့် ဧည့်လမ်းညွှန်က ဂက်စ်မီးအိမ်လေးတွေပေးပြီး လမ်းပြတတ်ပါတယ်။ အေးပြီး စိုစွတ်နေတာကြောင့် ချော်မလဲအောင်လည်း အလွန် သတိထားရပါမယ်။ နောက်ထပ် ထင်ရှားတဲ့ လိုဏ်ဂူကတော့ Lumiang Burial လိုဏ်ပါပဲ။ အဓိကရွာကြီးကနေ တောင်ဘက်ကို ၁၅ မိနစ်လောက် လျှောက်ရင်ရောက်ရော။              

ဂူကြီးနှစ်ဂူက လမ်းကြောင်း တစ်ခုပေါ်မှာ တစ်ဂူဝင်တစ်ဂူထွက် သဘောမျိုးဖြစ်နေတာကြောင့် ခရီးအကွာအဝေးကို ပြောကြတဲ့အခါ  ကိုယ်အရင်သွားတဲ့ ဂူပေါ်မူတည်ပြီးကြာချိန်က ကွာခြားနေတတ်ကြပါတယ်။ အထူးသဖြင့် လိုဏ်ဂူနှစ်ဂူကို အပြင်ဘက်ကပတ်မသွားဘဲ ဂူထဲက  လမ်းကျဉ်းကျဉ်းထဲကို လျှိုပြီးလျှောက်သွားတဲ့အခါ အချိန်ပိုကြာတတ်ပါတယ်။

စွန့်စားခန်းကြိုက်တဲ့ သူတွေကတော့ အဲဒီလိုဏ်ဂူကြီးနှစ်ခုကို အဝေးဆုံးလမ်းကြောင်းကနေလမ်းပြနဲ့ လေးငါးနာရီကြာအောင် တမင်သွားတာလည်း ရှိတယ်။ သွားရတဲ့ လမ်းမှာ ကျောက်နံရံတွေကို တက်ရမယ်။ အချို့နေရာမှာ မိချောင်းတွား သွားရမယ်။ တစ်ခါတရံ ဂူထဲကရေအိုင်ထဲရေကူးပြီး နောက်တစ်ရာကို ဖြတ်ကြရမယ်။ ဒါ့ကြောင့် စွန့်စားခန်းကြိုက်သူတွေ သက်လုံကောင်းပြီး ရေကူး တတ်သူတွေသာ သွားနိုင်မယ့်နည်း ဖြစ်နေတာပါ။

ဒါပေမယ့် ဘာမှမပါဘဲ ချက်ချင်းထသွားလို့တော့ မရဘူးပေါ့။ သတ်မှတ်ထားတဲ့ ရာဘာဖိနပ်၊ ခြောက်သွေ့ပြီးအအေးဓာတ်ကာ ကွယ့် အဝတ်အစား၊ တောင်တတ်သမားသုံး ဦးထုပ်၊ ဓာတ်မီးကနေ ကင်မရာတွေထည့်ဖို့ ရေလုံတဲ့အိတ်၊ စွမ်းအင်ဘားလို့ ခေါ်တဲ့ အလင်းပေးအချောင်း စတာတွေလည်းပါမှ လိုရာခရီးကို ဖြောင့်ဖြောင့်တန်းတန်း ရောက်မှာပါ။

သြော်ပြီးတော့ တကယ်တော်တဲ့ လမ်းညွှန်နဲ့မှရမှာနော်။ မဟုတ်ရင် ဂူထဲမှာလမ်းပျောက်ပြီး ဟောလိဝုဒ်က နာမည်ကျော် The Cave  ဇာတ်ကားတွေလို တုန်လှုပ်ချောက်ချားစရာ တွေနဲ့ချည်း ဖြစ်နေဦးမယ်။ 

ခေါင်းတလားနဲ့ လိုဏ်ဂူတွေပြီးရင်တော့ ဒေမန်းဆိုတဲ့ရွာလေးက ဆာဂါဒါရဲ့ ယဉ်ကျေးမှုနဲ့ ရိုးရာဓလေ့တွေ ထွန်းကားရာ နေရာပါ။ 'ကာကာနေ' ဘာသာစကား ပြောတဲ့ဌာနေ လူမျိုးတဲ့ရဲ့ အခမ်းအနားတွေ ကျင်းပတာလည်း ဒီရွာမှာပါပဲ။ တကယ်လို့ ရွာသားတစ်ဦးဦးနဲ့ရင်းနှီးလို့ သူတို့က အိမ်အလည်လာဖို့ ဖိတ်တယ်ဆိုရင်တော့ လက်ချည်းသက်သက်မ သွားနဲ့။ ကြက်ဖြစ်ဖြစ်၊ ပေါင်မုန့် ဖြစ်ဖြစ် ဆောင်သွားရတယ်။ အပြန်အလှန် သဘောပေါ့။ ဒါမှရွာခံတွေ ကြားမှာ မျက်နှာပွင့်မှာလေ။

ဆာဂါဒါမှာရှိတဲ့ ဒေသခံတွေက ခင်မင်ရင်းနှီးလွယ်တယ်ဆိုပေမယ့် သူတို့ရဲ့ဒေသ၊ လူမျိုးနဲ့ ရိုးရာဓလေ့ တွေကို လေးလေးစားစား အသိအမှတ်ပြုမှ ကြိုက်ကြတယ်။ အများပြည်သူသုံး ပစ္စည်းတစ်မျိုးမျိုးကို လက်သရမ်းပြီး ရမ်းကားလို့ကတော့ ဧည့်သည်ကော ဘာကောမညှာတတ်ကြဘူး။ အမှိုက်တွေလည်း လမ်းမှာ ဖွတာမကြိုက်ကြပြန်ဘူး။ အမှိုက်ပစ်ဖို့ ကိုယ့်အိတ်ကိုယ်ဆောင်လာရင် သူတို့ကအကြိုက်ဆုံးပဲ။ ဒီလိုဆိုတော့ နေရာက ချောင်ကျပေမယ့် ခေတ်မီတယ်လို့ ချီးကျူးရမှာပဲလေ။

တကယ်လို့ ဓာတ်ပုံရိုက်ချင်တယ်ဆိုရင်လည်း ခွင့်ပြုချက်လေးတော့ တောင်းမှကြိုက်တတ်ကြတယ်။ ရိုးရိုးရှင်းရှင်းနဲ့ ပွင့်ပွင့်လင်းသမားတွေရဲ့ စရိုက်လက္ခဏာ အတိုင်းပဲလို့ဆိုမယ်။ 

ဆာဂါဒါမှာ ရင်ခုန်စရာကတော့ Bomod-ok ဆိုတဲ့ ရေတံခွန်ပေါ့။ အမြင့်က မီတာ ၂ဝဝ ဆိုတာ နည်းနည်း နောနောအမြင့်မှ မဟုတ်ဘဲလေ။ သူ့ကိုကြောက်ရင်တော့ အနားမှာကပ်နေတဲ့ Bokong ရေတံခွန်လေးမှာ ပျော်ကြလည်းရပါတယ်။ ရေတံခွန် ကရေဟာ အလွန်အေးမြနေတာကြောင့် လူတိုင်းကြာကြာ ရေမကစားနိုင်ကြပါဘူး။ ဒါပေမယ့် ဘယ်သူပဲဖြစ်ဖြစ် ရေတံခွန်နားရောက်ရင်တော့ မဆင်းဘဲမနေနိုင်လောက်အောင် ရှုခင်းက ဆွဲဆောင်တယ်လို့လည်း နာမည်ကြီးပါသေးတယ်။

ဒါတင်ပဲလားဆိုတော့ ဆာဂါဒါမှာထင်ထင်ရှားရှားနဲ့ အရမ်းလှပတဲ့ တောင်လှေကားထစ် စပါးစိုက်ခင်းတွေကလည်း တွေ့သူတိုင်း ဓာတ်ပုံ ရိုက်ချင်လောက်အောင်လှပါတယ်။ ဒါပေမယ့် ဖိလစ်ပိုင်မှာ ယူနက်စ်ကိုက ကမ္ဘာ့သမိုင်းအမွေ အနှစ်အဖြစ် သတ်မှတ်ပေးရလောင် ရှေးကျပြီးလှပတဲ့ ဒေသကလည်း ရှိနေပြန်သေးတော့ ဆာဂါဒါရဲ့ လှေကားထစ်စိုက်ခင်းအလှကို သိပ်မညွှန်းတော့ဘူးနော်။ နောင်တစ်ချိန်ကြမှ ဖိလစ်ပိုင်က  ကမ္ဘာ့သမိုင်းဝင် တောင်လှေကားဒေသတစ်ခုရဲ့အလှကို ဆက်ပြီး ပြောကြတာပေါ့လေ။

 

သုနန္ဒခေတ်

သုနန္ဒခေတ်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.