မြန်မာနိုင်ငံအနေဖြင့် ၂ဝဝ၃ ခုနှစ်မှစ၍ ဆန်စပါးကို အစိုးရမှတိုက်ရိုက် ဝယ်ယူခြင်းမပြုတော့ဘဲ လွတ်လပ်စွာ ရောင်းဝယ်ခွင့်ပြုသည့် ဆန်စပါးမူဝါဒသစ်ကိုစတင်ကြေညာခဲ့ပြီး ၂ဝဝ၈ ခုနှစ်မှစ၍ ပုဂ္ဂလိက ကုမ္ပဏီများကို ပြည်ပသို့ လွတ်လပ်စွာ ဆန်တင်ပို့ရောင်းချ ခွင့်ပြုပေးခဲ့သည်။ များသောအားဖြင့် ဧည့်မထ ၂၅ ရာခိုင်နှုန်းဆန်များကိုသာ တင်ပို့ခဲ့ကြသော်လည်း နောက်ပိုင်းတွင် တန်းမြင့် ဆန်များဖြစ်သော ဧည့်မထ စူပါ ၅ ရာခိုင်နှုန်း၊ ၁ဝ ရာခိုင်နှုန်း၊ ၁ဝဝ ရာခိုင်နှုန်းစသော တန်းမြင့်ဆန်များကိုပါ ထုတ်လုပ်တင်ပို့ လာခဲ့သည်။
    ယခုလက်ရှိအချိန်တွင် ဧည့်မထ ၂၅ ရာခိုင်နှုန်း တစ်တန်လျှင် ၃၃ဝ-၃၄ဝ ဒေါ်လာ ဈေးနှုန်းသာရရှိသော်လည်း ဧည့်မထ စူပါ ၅ ရာခိုင်နှုန်းတစ်တန်လျှင် ၄ဝဝ-၄၁ဝ ဒေါ်လာထိ ဈေးနှုန်းရရှိသဖြင့် တန်းမြင့်ဆန် ထုတ်လုပ်တင်ပို့ခြင်းဖြင့် ဈေးနှုန်းအားဖြင့် ပိုမိုရရှိကြောင်းသိရှိရသည်။ စိုက်ပျိုးရေးကို အခြေခံသောနိုင်ငံဖြစ်သည်နှင့်အညီ မျိုးကောင်း မျိုးသန့်စပါးများ ရွေးချယ်စိုက်ပျိုးပြီး ထုတ်လုပ်တင်ပို့နိုင်ရေးကြိုး ပမ်းဆောင်ရွက် သင့်သည့် ကာလဖြစ်သဖြင့် ကုမ္ပဏီတစ်ခုမှ ဆင်းသွယ်လတ် ၅ ရာခိုင်နှုန်း ဆန် ၁၂၅ တန်အားတစ်တန်လျှင် ၄၆ဝ ဒေါ်လာဈေးနှုန်း ဖြင့် အာဖရိကတိုက် အင်ဂိုလာနိုင်ငံသို့ တင်ပို့ ရန် ပို့ကုန်လိုင်စင်လျှောက်ထားရာ ခွင့်ပြုထုတ် ပေးခဲ့ပြီးဖြစ်ကြောင်း ကုန်သွယ်ရေးညွှန်ကြား မှုဦးစီးဌာနမှ သတင်းရရှိသည်။ ယခုတင်ပို့မည့် အင်ဂိုလာနိုင်ငံသို့ ယခင်က တင်ပို့ခဲ့ဖူးခြင်းမရှိဘဲ ဈေးကွက်သစ်ရရှိခြင်း ဖြစ်ကြောင်းသိရှိရသည်။